Published On: Mon, Mar 4th, 2013

Palacio oo guul taariikhi ah ku hogaamiyay Inter Milan oo 2-gool looga hormaray

Share This
Tags

Inter Milan ayaa dib u soo noolaatay, markii qeybtii hore ciyaarta labo gool looga hormaray ciyaar ka tirsan Seria A-da oo ay marti u aheyd kooxda Catania.

Tababaraha Inter Milan Andrea Stramaccioni ayaa qeybta labaad wax ka bedelay ciyaarta, markii uu soo geliyay ciyaaryahanada Palacio iyo Stankovic, kuwaasoo wax ka bedelay ciyaarta.

Inter Milan ayaa qeybtii hore ciyaarta laga dareemayay isku dhex yaac, taasoo keentay in Catania ay ugu da’do shabaqeeda sida roobki oo kale.

Inter-milan

Kooxda Catania ayaa 17-daqiiqo gudahood oo qeybtii hore ciyaarta ayaa labo gool kaga naxsatay Inter, kuwaasoo ahaa goolal cajiib ahaa.

Palacio ayaana ahaa geesiga ciyaarta, markii kubad uu ka soo shaqeeyay uu karoos u dhigay Alvarez oo madax ku dhaliyay.

Mar kale ayaa Palacio Inter Milan rajada ku soo celiyay kadib markii uu goolka bar baraha u dhaliyay, ciyaartana ka dhigay 2-gool iyo 2-gool.

Ciyaaryahanka reer Argentina ayaana mar kale ahaa furihii ciyaarta, markii goolka saddexaad uu dhaliyay daqiiqadii 90aad oo lagu daray afar daqiiqo.

Si kastaba guushan taariikhiga ah ayay Inter Milan u riixeysa inay u dagaalanto boosaska looga mid noqonayo Tartanka Koobka Horyaalada Qaarada Yurub ee Champions League, waxaana ay kaalinta shanaad ay iskula jiraan Lazio oo ay wada leeyihiin 47-dhibcood, halka Milan oo kaalinta 3aad fadhida ay leedahay 48-dhibcood.

 Kulamada kale waxay natiijooyinkooda noqdeen sidan:-

Torino 0 – 0 Palermo Bologna 3 – 0 Cagliari Catania 2 – 3 Inter Milan Fiorentina 2 – 1 Chievo Pescara 0 – 1 Udinese Sampdoria 1 – 0 Parma Siena 0 – 2 Atalanta

By C/casiis Golf

golfyare@gmail.com

About the Author

-







Palacio oo guul taariikhi ah ku hogaamiyay Inter Milan oo 2-gool looga hormaray